Գլխավոր էջ » Հոդվածներ » Կենսաբանություն

Այցելություն ԵՊՀ

 

ՏԵՍԱԿԱՆ ԵՎ ԳՈՐԾՆԱԿԱՆ ՆՈՐ ԳԻՏԵԼԻՔՆԵՐ. ՄԱՍԻՍԻ ՀԱՄԱՐ 5 ԱՎԱԳ ԴՊՐՈՑԻ ԱՇԱԿԵՐՏՆԵՐՆ ԱՅՑԵԼԵԼ ԷԻՆ ԵՊՀ

Ավագ դպրոցի ուսուցիչներ` Զ.Գրիգորյանի և Ռ.Բարսեղյանի նախաձեռնությամբ  մի խումբ սովորողներ  այցելեցին Քիմիայի և Կենսաբանության ֆակուլտետներում և լսեցին դասախոսություններ:

Այցի նպատակն ավարտական դասարանների աշակերտների մասնագիտական կողմնորոշմանը նպաստելը, իրազեկության մակարդակը բարձրացնելը և դեպի ԵՊՀ ուղղորդելն էր:

 

Ապագա ուսանողները նախ եղան Քիմիայի ֆակուլտետում, որտեղ Օրգանական քիմիայի ամբիոնի ուսումնական լաբորատորիայի գիտաշխատող Լիլիթ Արիստակեսյանի հետ միասին իրականացրին քիմիական փորձեր՝ գործնականում ծանոթանալով գազերի ստացման եղանակներին և մեթոդներին:

Այնուհետև ավագ լաբորանտ Ինեսա Պետրոսյանն աշակերտներին ներկայացրեց «Նյութի կառուցվածքային միավորներ. ատոմներ» թեմայով դասախոսությունը՝ առավել պատկերավոր ցույց տալով և բացատրելով ատոմի կառուցվածքը:

 

Կենսաբանության ֆակուլտետի Մոլեկուլային գենետիկայի լաբորատորիայում ավագ դպրոցի սորովորներին դիմավորեց ասիստենտ Տիգրան Հարությունյանը, որը նրանց ծանոթացրեց լաբորատորիայի սարքերին և պատմեց ԴՆԹ-ին ու քրոմոսոմներին վնասվածք առաջացնող նյութերի մասին՝ բացատրելով դրանց ուսումնասիրման մեթոդները և պայմանները:

Սովորողները  մեծապես տպավորված էին  այցելությունից. այն հետաքրքիր էր և ուսուցանող:

Կատեգորիա: Կենսաբանություն | Ավելացրեց: BGO (07.11.2018)
Դիտումներ: 1 | - Վարկանիշ -: 0.0/0
Մեկնաբանություններն ընդամենը՝: 0
Անուն *:
Email *:
Կոդ *: