«Հետապնդում եմ ու չեմ հասնում »-, այսպես է արտահայտել իր զգացմունքն առ Աստված Մեծ աղոթասացը: Xհ2 դասարանն էլ մի քանի դասաժամ «հետապնդում էր» Նարեկացուն...
Ճիշտ է, չհասավ, ինչպես նշեց ուսուցչուհի Ա.Ջանինյանը, բայց մի քիչ մոտեցավ, մի քիչ հասկացավ, մի քիչ մաքրվեց...
Տպավորիչ էր դասի մուտքը, վերնագրին համահունչ:Ալիսա Գալստյանի և Հասմիկ Քելեշյանի Տերունական երգ-աղոթքի ելևէջների ներքո կատարվեց մոմավառություն, ապա ամբողջ դասարանով հնչեցրին Նարեկյան աղոթք:
Սովորողները փոքր մանրապատումով, տեսասահիկներով, պաստառներով, թեմատիկ նկարներով և կիրթ ու հասուն խոսքով ներկայացրին Տիեզերական վարդապետի կյանքի հիմնական փաստերը, ապրած ժամանակաշրջանի պատմական բնութագիրը, ավանդազրույցները, տաղերի բովանդակությունը և «Մատյան ողբերգության » պոեմը:
Յուրաքանչյուր խումբ ուներ իր թեմատիկ բնաբանը, պլանը: Ըստ պլանի կետերի` ելույթ ունեցան խմբերի լեզվաբանները, պատմաբանները, նկարիչները, ասմունքողները և գրականագետները:
Հատկապես տպավորչ էին Շուշանիկ Գևորգյանի վրձնած «Տաղ Վառդավառին » և իր իսկ մեկնությունը, Նարեկացու երգած Աստվածամոր և Ռաֆայելի վրձնած Տիրամոր կերպարների նմանության բացահայտումը` ըստ Անի Աբաղյանի, Նելլի Եփրեմյանի և Ժանետա Առաքելյանի պատրաստած «Նարեկ » եկեղեցին` իր խորհրդանշական հիմքով և գմբեթով, Ոսկեհատ Հայրապետյանի` Տիրամոր գեղանի պարը:Ունկնդիրների հիացմունքին արժանացավ Սյուզաննա Վարդանյանը` իր գրաբարյան անթերի ասմունքով...
Դասն ավարտվեց Նատալի խաչատրյանի կողմից երկնած նորօրյա աղոթքով` սեր, ուժ, խաղաղություն խնդրելով Աստծուց...

«Ազգային մնայուն բոլոր արժեքների կենտրոնում եղել  և մնում են Մայր աթոռը և նրա սիրտը` Գևորգյան  հոգևոր ճեմարանը»,- այս խորագիրն էր կրում Մասիսի N5 ավագ դպրոցի Xհ2 դասարանի  հայոց լեզվի դասը: Սովորողներն այդ օրը առավել հագեցած նյութեր  էին պատրաստել, լրացուցիչ տեղեկություններ էին հավաքել, քանի որ բաց դասին  համալրված էր նաև Գևորգյան ճեմարանի  սան, դպրոցի շրջանավարտ  Գևորգ Կարապետյանը: Նա լսեց սովորողներին, սիրով պատասխանեց նրանց հարցերին,  ներկայացրեց ճեմարանի մասին պատմող տեսանյութ:

Դասն էլ ավելի հետաքրքիր և յուրահատուկ  դարձավ  խելացի և բանիմաց  հոգևորականի  մատուցմամբ:

Սովորողները շատ տպավորված էին:

Նման դասեը կլինեն շարունակական:

 Սեպտեմբերի 23-ին X-1 հումանիտար հոսքում Ա.Ջանինյանի հերթական դասն էր հայոց լեզվից` «Մխիթարյան միաբանություն» թեմայով: Հետազոտական աշխատանքի միջոցով սովորողները ներկայացրին կրթօջախի դերն ու նշանակությունը հայոց ինքնությունը պահպանելու և այն սերնդեսերունդ փոխանցելու գործում: Խմբերը պատրաստել էին խոսուն տեսասահիկներ, որտեղ ներկայացված էին համաշխարհային այն գործիչները, որոնք միաբանությունում զբաղվել են գիտամանկավարժական գործունեությամբ: Դասի ընթացքում միջառարկայական կապ ստեղծվեց «Հայոց պատմություն», «Հայ գրականություն», «Աշխարհագրություն», «Հայոց եկեղեցու պատմություն» առարկաների հետ: Կիրառվեցին ժամանակակից ուսուցման տարբեր մեթոդներ` մտագրոհ, հետազոտական աշխատանք, բանավեճ և այլն: Դասը բոլորի հոգին լցրեց հպարտությամբ` ամրակայելով նրան մեջ աշխատասիրություն, կամքի և տոկունության զգացում.այդպիսին են եղել Մխիթարյան միաբանության երևելիները:

 Դաս-միջոցառումը նվիրված էր Մխիթարյան միաբանության 300-ամյակին: Սովորողները ակտիվ մասնակցում էին դասին: Նրանք ուսումնասիրել էին  հայագիտության նշանավոր կենտրոնների ու դպրոցների` Մխիթարյան  միաբանության,  Լազարյան ճեմարանի, Ներսիսյան դպրոցի, Գևորգյան ճեմարանի գործունեության, նրանց կարևոր դերի ու նշանակության մասին: Սովորողները շեշտը դրել էին Մխիթարյան միաբանների կատարած հայանվեր աշխատանքի վրա: Ցուցադրվող տեսասահիկները ու  տեսաֆիլմերը պատմեցին Մխիթարյանների հայապահպան աշխատանքի մասին:Դաս-միջոցառումը սովորողներին հայրենասիրական, մշակութային, կրթական մակարդակ ու կենսափորձ ունեցող մարդկանց հետ հաղորդակցվելու հնարավորություն տվեց:

 Սեպտեմբերի 23-ին X-1 հումանիտար հոսքում Ա.Ջանինյանի հերթական դասն էր հայոց լեզվից` «Մխիթարյան միաբանություն» թեմայով: Հետազոտական աշխատանքի միջոցով  սովորողները ներկայացրին կրթօջախի դերն ու նշանակությունը հայոց ինքնությունը պահպանելու  և այն սերնդեսերունդ փոխանցելու գործում: Խմբերը պատրաստել էին խոսուն տեսասահիկներ, որտեղ ներկայացված էին համաշխարհային այն գործիչները, որոնք միաբանությունում զբաղվել են գիտամանկավարժական գործունեությամբ: Դասի ընթացքում միջառարկայական կապ ստեղծվեց «Հայոց պատմություն», «Հայ գրականություն», «Աշխարհագրություն», «Հայոց եկեղեցու պատմություն» առարկաների հետ: Կիրառվեցին ժամանակակից ուսուցման տարբեր մեթոդներ` մտագրոհ, հետազոտական աշխատանք, բանավեճ և այլն: Դասը բոլորի հոգին լցրեց հպարտությամբ` ամրակայելով նրան մեջ աշխատասիրություն, կամքի և տոկունության զգացում.այդպիսին են եղել Մխիթարյան միաբանության երևելիները:

 08.09.2017թ հերթական համագործակցային դասը Մասիսի

ԺԱՄԱՆԱԿՑՈՒՅՑ

Մարտի 21-ի` Պոեզիայի միջազգային օրվան նվիրված

 Մասիսի N5 ավագ դպրոցի XIբն հոսքում իրարանցում էր: 26 սովորողներ փորձում էին ասել իրենց ասելիքը`  նվիրված  Վ.Տերյանի «Մթնշաղի անուրջներ» ժողովածուին: Հայոց լեզվի  և հայ գրականության 10-օրյակի շրջանակում կազմակերպվեց «Պոեզիայի ժամ»: Դասը ապահովված էր պաստառներով, տեսասահիկներով, ցուցադրվող նյութերով:

 29.02.2016թ XIհ դասարանի բաց դասը նվիրված էր  հայոց լեզվի 10-օրյակին: Սեղաններին պաստառներ էին, տեսարաններ, որոնք  ներկայացնում էին հայոց լեզվի պատմությունը,  խոսքի մասերը: Սովորողները խոսում էին վարժ,  ճիշտ տեղին էին օգտագործում հայերենի բառն ու նախադասությունը: 

Փետրվարի 22-ին, 12-րդ  դասարանի ընդհանուր  հոսքը, դասավանդող ուսուցիչ Ս.Խուդաղուլյանի գլխավորությամբ, կազմակերպել էր  դաս-միջոցառում` նվիրված  մայրենիի տոնին:

Ծրագիրը  շատ  բազմաբովանդակ էր և ուսուցանող:

Ուսուցչուհին շեշտը դրել էր ոչ թե բանաստեղծությունների, այլ հետաքրքիր տեղեկությունների, բառերի խորհրդավոր  աշխարհի և լեզվին լավ չտիրապետելու հետևանքով առաջացած զավեշտական իրավիճակների վրա: Ներկա գտնվողների  կողմից դաս-միջոցառումը համարվեց  հաջողված և շատ  օգտակար մայրենին  անաղարտ  պահելու համար: