| Գլխավոր էջ » Հոդվածներ » Հետաքրքրաշարժ ֆիզիկա |
Վերածննդի դարաշրջանի իտալացի խոշոր մտածող Լեոնարդո Դա Վինչին մարդկության պատմության մեջ այն եզակի անհատներից է, որոնք բացառիկ ընդունակություններ են դրսևորել բազմաթիվ բնագավառներում: Նա եղել է նկարիչ, քանդակագործ, գիտնական, գյուտարար և ճարտարագետ: Բազմաթիվ են նրա աշխատանքները ֆիզիկայի բնագավառում: «Դատարկ են և մոլություններով հարուստ այն գիտնականները, որոնք ծնված չեն փորձից` ցանկացած հավաստիության հորից և չեն ավարտված դիտողության փորձով»: Նշանակալի են Դա Վինչիի հետազոտությունները մեխանիկայում: Նա հետազոտել է թեք հարթության վրա գտնվող բեռի 4 տարբեր տիպի լծակների հավասարակշռության պայմանները: Դինամիկայում ուսումնասիրել է նետված մարմինների և թեք հարթության վրայով կատարվող շարժումները: Լեոնարդոն ոչ միայն գիտեր որ օդը կշիռ ունի, այլ հնարել է մթնոլորտային ճնշումը չափելու և եղանակը կանխատեսելու սարք: Նա մեծ ներդրում է ունեցել հիդրոստատիկայում և հիդրավլիկում:Նա մշակել է ծովում ալիքների շարժման տեսությունը և համարել է, որ լույսը, գույնը, ձայնը և հոտը մինչև իսկ մտածողությունը տարածվում են ալիքների ձևով: Օպտիկայում մշակվել է «Լուսինը մեծ տեսնելու ակնոցի » նախագիծը և առաջինն է հայտարարել, որ Լուսնի մոխրագույն լույսը պայմանավորված է Երկրից նրա վրա ընկնող ճառագայթների անդրադարձմամբ: Կարելի է երկար թվարկել այն սարքերը ու հարմարանքները, որոնք նախաձեռնել և պատրաստել է Դա Վինչին, ընդհուպ մինչև մարդուն թռչելու հնարավորություն տվող սարքերը` ուղղաթիռի և անկարգելի նախագծերը, որոնք ակնհայտորեն դուրս էին նրա ժամանակի պահանջմունքներից: | |
| Դիտումներ: 865 | Մեկնաբանություններ: 3 | |
Ֆիզիկան և արվեստը
| Մեկնաբանություններն ընդամենը՝: 1 | ||
| ||
