30.11.2016թ.
Կյանքը նրա համար չէ, որպեսզի սպասես անձրևը դադարի,
Այլ նրա համար, որ սովորես պարել անձրևի տակ:

14.10.2016թ.
«ՄԱՍԻՍԻ N5 ԱՎԱԳ ԴՊՐՈՑ» ՊՈԱԿ-Ի ԱՇԱԿԵՐՏԱԿԱՆ ԽՈՐՀՐԴԻ ՆԱԽԱԳԱՀԻ ԸՆՏՐՈՒԹՅՈՒՆՆԵՐ

Արտասովոր եռուզեռ էր Մասիսի N5 ավագ դպրոցում: Աշակերտները պետք է ընտրեին դպրոցի աշակերտական խորհրդի նախագահ:Թեկնածուներից յուրաքանչյուրը, նախապես անցկացնելով քարոզարշավ, ներկայացրել էր բազմաբովանդակ ծրագիր՝ դպրոցի առօրյան էլ ավելի հետաքրքիր դարձնելու նպատակով: Թեժ մրցակցություն էր ծավալվել թեկնածուների, համախոհների միջև: Ընտրության նախօրեին, խստագույնս պահպանելով ընտրակարգը, տարվեցին նախապատրաստական աշխատանքներ: 
Ընտրատեղամասը բացվեց հոկտեմբերի 14-ին ժամը 11 00-ին: Որպես դիտորդներ հրավիրված էին դպրոցի խորհրդի անդամներ Մասիսի քաղաքապետարանից ներկայացուցիչներ: 
Ընտրություններն անցան ազատ և անկաշկանդ մթնոլորտում, առանց լուրջ խախտումների: Ժամը 14-ին փակվեց ընտրատեղամասը և սկսվեց ձայների հաշվումը: Ձայների մեծամասնությամբ աշակերտական խորհրդի նախագահ ընտրվեց Անի Քայայանը: Դպրոցի տօրեն Ա. Ազնավուրյանը շնորհավորեց նորընտիր նախագահին՝ ցանկանալով նրան նոր և բովանդակալից մտահաղացումներ՝ դպրոցում իրագործելու համար, սեր և ներողամտություն դիմացինի հանդեպ:

ԱԽ-ի նախագահի նախընտրական քարոզարշավ Մասիսի N5 ավագ         դպրոցում:

Նոր համագործակցություն, նոր հարթակներում։ ՀԿ-ն և Մասիսի  N 5 ավագ դպրոցի աշակերտական խորհուրդը  հունիսի 14-ին հյուրընկալել էր գերմանական TeachSurfing կազմակերպության ներկայացուցիչներին։ Մեր քաղաք էին այցելել օն-լայն հարթակի հայ համահիմնադիր Miganoush Magarian-ը, կազմակերպության հայաստանյան պատասխանատու Mariam Sargsyan-ը և թիմի անդամ Armenoush Magarian-ը:
Հյուրերը հանդիպման մասնակիցներին ներկայացրին TeachSurfing հարթակը և խոսեցին համայնքային զարգացման հնարավորությունների, հասարակական ակտիվության և ոչ ֆորմալ կրթության կարևորության մասին:
Հյուրերը կազմակերպեցին քննարկում մասնակիցների շրջանում։ Բաժանվելով խմբերի՝ ներկաները վերհանեցին համայնքի խնդիրները՝ մտքի գրոհի միջոցով։ Դուրս բերված խնդիրները շատ էին, սակայն առանձնացվեցին դրանցից մի քանիսը․

- Ժամանցի վայրի բացակայություն,
- Քաղաքում խմելու ջրի խնդիր,
- Աղբահանության, մաքրության և քաղաքը մաքուր պահելու մշակույթի բացակայություն։
 

«Հաղթանակների ամիս» ահա այս խորագիրն էր կրում մայիսի 9-ին կազմակերպված ցերեկույթը: Միջոցառումն սկսվեց հաղթանակի մասին բանաստեղծություններով ու պատերազմական հայրենասիրական երգերով: Այնուհետև տեղեկություններ ներկայացրին Արցախի հերոսամարտի և ապրիլյան պատերազմական իրադարձությունների վերաբերյալ:

Անկրկնելի ու տպավորիչ էր հատկապես բեմականացումը, որը ներկայացնում էր  պատերազմական դրվագները  և հաղթական ավարտը:Միջոցառումն հայրենասիրական դաստիարակչական բնույթ էր կրում:

 Զատիկ կամ Հիսուս Քրիստոսի հրաշափառ Հարության տոն՝  քրիստոնյա եկեղեցիների, այդ թվում նաև Հայ Առաքելական Եկեղեցու հնագույն և գլխավոր տոնը, հինգ տաղավար տոներից մեկը։Սուրբ Հարության տոնն կոչվում է  նաև Զատիկ, որը նշանակում է զատում, բաժանում, հեռացում մեղքերից  և վերադարձ առ Աստված:Քրիստոսի Հարությունը դարձավ քրիստոնեական վարդապետության և հավատի հիմքը:Եվ իզուր չէ, որ Պողոս Առաքյալն ասում է «Եթե մեռելների հարություն չկա, ապա և Քրիստոս հարություն չի առել:Եվ եթե Քրիստոս հարություն չի առել ,  իզուր է մեր քարոզչությունը, իզուր է  և ձեր հավատը»:Փրկչի խաչելիությամբ և հարությամբ հաստատվում է կյանքի ու անմահուըթյան գաղափարը:Բոլոր նրանք ովքեր Քրիստոսին ընդունում են որպես իրենց Փրկիչ և Տեր, մի օր իրենք ևս պիտի հարություն առնեն` Նրա հետ հավիտենական թագավորելու:

  Մասիսի N5  ավագ դպրոցի աշակերտական խորհրդի տեղեկատվական հանձնախումբը պատրաստեց  գեղեցիկ ձեռքի աշխատանք <<Հայոց եկեղեցու պատմություն>> առարկայից: Նրանք շատ սիրով իրենց մտքի թռիչքն ու ստեղծագործական աշխարհը արտահայտեցին այդ աշխատանքի միջոցով:

 13.02.2016թ Մասիսի N5 ավագ դպրոցի աշակերտական խորհրդի մշակութային                                                         հանձնախումբը կազմակերպել էր միջոցառում` նվիրված Տյառնընդառաջի տոնին: 

Սուրբ Սարգսի տոնի կապակցությամբ Մասիսի  N5 ավագ դպրոցի աշակերտական խորհուրդը գեղեցիկ ձևավորել էր դպրոցը և տեղադրել էր մի արկղ, որտեղ սովորողները իրենց սիրո զգացմունքները    փորձեցին  տեղ հասցնել  սիրային բացիկների միջոցով: